85 ka mga drug suspek, nasikop sa Misamis Oriental

38

Miabot na sa 85 ka mga drug suspek ang nasikop sa  joint operation sa kapolisan ug Philippine Drug Enforcement Agency sa Misamis Oriental gikan sa Hunyo ngadto na sa Agusto ning tuiga.

 

Kini ang gipahibalo ni Agent-5 Rubylyn Alfaro ang Provincial Officer sa PDEA Misamis Oriental atol sa gihimong Provincial Peace and Order Council  meeting diin sa maong ihap 82 niini mga drug pusher ug tulo ang naghupot lamang.


 

Gawas niini, 80 usab ka mga drug buy bust operation ang nahimo diin 64 niini mga nasikop; 9 ang nasilbihan sa search warrant; usa niini pinaagi sa warrant of arrest ug 6 sa search and seizure.

 

Siyam usab kanila ang anaa sa drug list ug 76 ang gituohang bag-o lamang sa negosyo tungod kay wala pa sila sa listahan.

 

Matud pa ni Alfaro nga ang text ug tawag sa cellphone ang usa sa paagi aron makapamaligya sa iligal nga druga ang mga suspek ug ang kabatan-onan maoy ilang gihimong runner.

 

Nasuta usab nga mga pribadong sakyanan ang gigamit sa pagdeliver sa illegal nga druga, lakip na ang pagpadala sa parcel.

 

Sa karon nagpadayon ang P-DEA sa ilang gihimong Barangay Drug Clearing Program isip kabahin sa mando ni Presidente Rodrigo Duterte.




Facebook Comments