CAUAYAN CITY – HINDI NAGING HADLANG PARA 88 PERSONS DEPRIVED OF LIBERTY (PDL) ANG PAMAMALAGI SA LOOB NG PIITAN UPANG MATAPOS ANG KANILANG PAG-AARAL.
KAHAPON, IKATLO NG SETYEMBRE TAGUMPAY NA NATAPOS NG NABANGGIT NA MGA PDL ANG KANILANG PAG-AARAL AT PAGSASANAY SA CAGAYAN PROVINCIAL JAIL (CPJ).
AYON SA DATOS NG CPJ, DALAWA ANG NAGTAPOS NG ELEMENTARYA, 13 SA JUNIOR AT SENIOR HIGH SCHOOL SA ILALIM NG ALTERNATIVE LEARNING SYSTEM (ALS), AT 73 NAMAN ANG NAKUMPLETO ANG MGA PROGRAMA NG TESDA.
KABILANG DITO ANG 26 SA MASONRY, 25 SA ELECTRICAL MAINTENANCE, AT 23 SA COOKERY NA NATAPOS SA LOOB NG 25 ARAW.
IBINAHAGI RIN NI PROGRAM COORDINATOR MERLYN PAUL DILLIG NA DALAWA SA NAGTAPOS NG ELEMENTARYA AY SENIOR CITIZEN.
KARAMIHAN SA MGA NAGTURO SA KANILA AY MGA JAIL GUARD NA NAGSILBING VOLUNTEER TEACHERS, KATUWANG ANG MGA GURO MULA SA DEPED TUGUEGARAO DIVISION.
AYON KAY PROVINCIAL WARDEN CATALINO ARUGAY, BAHAGI ITO NG REFORMATION PROGRAM NG CPJ NA LAYONG BIGYAN NG BAGONG KAALAMAN AT KASANAYAN ANG MGA PDL BILANG PAGHAHANDA SA KANILANG PAGBABALIK SA LIPUNAN.
SA KASALUKUYAN, 30 PDL ANG NAKA-ENROLL PARA SA IKALAWANG BATCH NG TESDA TRAINING AT 25 NAMAN SA JUNIOR AT SENIOR HIGH SCHOOL.
