Davao City- Gipailawom sa Random Drug Test kaganina ang 88 ka mga personahe sa Davao City Police Office kun DCPO-Traffic Group nga gipahigayon sa buhatan sa Traffic Group sa Ecoland ning dakbayan.
Sumala ni DCPO Traffic Group Chief Police Supt. Ernesto Castillo nga tumong sa maong drug test mao ang masiguro nga walay mga personalidad sa ilang buhatan nga nagagamit ug nagapayuhot og iligal nga droga.
Dugang ni Castillo, ang random drug test usa ka Internal Cleansing sa PNP ug pagsunod sa direktiba ni DCPO Director Police Senior Supt Alexander Tagum.
Gikanayon ni Castillo nga kung adunay magpositibo sa gipahigayong drug test, ipailawum kini sa confirmatory test sa PDEA XI ug mag atubang og kasong administratibo ug mataktak sa serbisyo.
RadyoMaN Don Pulayao
