Ha ginbuhat nga seremonya ha Camp Lukban Station Hospital ha Barangay Maulong, Catbalogan City, Samar, ginpresentar an Wounded Personnel Medal kan Sgt. Galos Baldono Jr., Cpl. Christian Egana, ngan Privare Andrian Tomalabcab han 52nd Infantry Battalion.
Hira in nag-angkon hin kasamdan ha natabo nga engkwentro kontra ha kumunista terorrista nga grupo ha Brgy. Malidong, Gamay, Northern Samar, dida han Nobyembre 12.
Gintagan gihapon hin pareho nga medalya hi Pvt. Rodel Clavecilla, ha 10th Scout Ranger Company. Hi Clavecilla in nag-angkon hin kasamdan ha engkwentro kontra NPA ha Barangay San Jose, Mapanas, Northern Samar, dida han November 11, 2024.
Nakakakarawat ghihapon an mga sundalo hin financial ngan in-kind assistance agud makasuporta ha ira pagpa-upay.
Ha pagbisita ni Maj. Gen. Orio, ginsiring niya nga padayon an pagsuporta han 8ID ha mga kasundalohan ngan ira pamilya ha luyo han ira mga sakripisyo ha ngaran han serbisyo.
“The 8ID honors your sacrifice and bravery in fulfilling your duty. This situation will not deter us from our mission; instead, your heroism inspires every Stormtrooper to strengthen our campaign against insurgency,” siring ni Maj. Gen. Orio.
