8ID nagpadara hin kasundalohan ha Negros Oriental para ha BSKE Election 2023

TACLOBAN CITY— Nagpadara an 8th Infantry “Stormtroopers” Division, Philippine Army hin mga kadugangan nga tropa ha Joint Task Force -Spear ha probinsiya han Negros Oriental agud bumulig ha tiarabot nga Barangay ngan Sangguniang Kabataan Elections 2023 ha lugar.
Ha gindumara nga send-off ceremony han 8th Infantry Division, kakulop, October 17, 2023 pinangunahan ine ni Assistant Division Commander, Brig. Gen. Perfecto P. Peñaredondo ginsiring nga an mao nga mga kasundalohan in tikang ha 14th Infantry Battalion, 46th Infantry Battalion, 52nd Infantry Battalion ngan 78th Infantry Battalion nga igbubutang ha ilarom han operational control han 302nd Infantry Brigade han 3rd Infantry “Spearhead” Division.
Ha iya mensahe, gintagan hi duon ni Brig. Gen. Peñaredondo an importansiya han grupo para magserbi nga kadugangan nga kusog pagsiguro han katuhayan, tangkod, ngan mahimyang nga BSKE ha Negros Oriental.

“Malaki ang inyong magiging kontribusyon sa pagpapangalaga ng demokrasya at pagsisiguro na ang boses ng mga mamamayan ay mapakikinggan”, pahayag ni Brig. Gen. Peñaredondo.

Iya gihapon gin-aghat an mga sundalo nga igmentinar an disiplina, pagigin propesyunal, ngan respeto ha human rights samtang ginbubuhat an ira trabaho nga usa nga deputized agency han Commission on Elections (COMELEC) ha pagsigurado han patas ngan tangkod nga eleksyon.

Manunumduman nga han March 04, 2023, ginpatay hi Negros Oriental Governor, Roel Degamo ha iya gin-uukyan kaupod an 9 nga iba pa.