Ginalauman 2,000 ka delegado ang magatambong sa 8th National Tripartite Conference (NTC) for cooperative development nga hiwaton sa iloilo city sa Septyembre 20 tubtob 21.
Sa pinakauli nga datos sang organizers, may 1,800 na ka rehistrado nga partisipante kag ila ginalauman nga may 200 pa ka walk-in participants nga magahalin sa Mindanao.
Suno kay Iloilo City Cooperative Development Officer Lito Jusa may 93 ka narehistro nga kooperatiba sa siyudad nga nagabulig sa mga luyag magtukod sang negosyo ukon sang anoman nga livelihood projects.
Dugang ni jusa ang pagtililipon nagatuyo nga mapabakod ang relasyon kag koordinasyon sang mga kooperativa, Local government units kag pribado nga sector.
Ginalauman nga magatambong sa aktibidad sanday senador Miguel Zubiri kag Coop-natcco partylist Chairman Orlando Ravanera.
Ang National Tripartite Conference isa ka regular nga aktibidad nga ginapangunahan sang Liga ng mga cooperative development officers sa Pilipinas (LCDOP) kag ginahiwat kada duha ka tuig agod maistoryahan ang nagkalain-lain nga isyu nga ginapangatubang sang sektor.
