Davao City- Na-alarma ang mga residente sa Purok 1, Brgy.8-A syudad sa Davao, human girespondehan sa kapulisan sa San Pedro ang nahitabong pagmolestiya sa 9 anyos nga batang babaye kagahapon sa hapon Pebrero 23, 2024.
Sa pakighinabi sa DXDC RMN Davao kang alyas Ellen, inahan sa bata gisulti niya nga iyang naaktohan sulod sa lawak nga gimolestiya ang iyang anak sa suspect nga si Michael Gabuni, hingkod ang edad apan abtik usab kini nga nakasibat ang suspetsado.
Segun ni inahan, pursigido siya mopasaka og kaso batok sa suspect ug nagpatabang na usab sa kapulisan, aron madakpan ang suspect.
Sa pagkakaron ang biktima anaa sa kustodiya sa San Pedro Police Station sa Women Children Protection Desk (WCPD) ug ipailawom karong adlawa Pebrero 24, 2024 sa medical examination.
RadyoMaN Don Pulayao
Facebook Comments
