Mississippi, US – Indi pa mahibalu-an sang mga otoridad sa estado sang
Mississippi sa Amerika kun ano ang silot nga idagdag sa nueve anyos nga
bata nga nakapatay sa iya 13 anyos nga utod nga babaye.
Ini matapos nga mapatay ang dalagita sang gintiro sang utod sini bangud
lang sa video game.
Suno sa pulis, nagkuha sang pusil ang bata kag gintiro sa ulo sang iya
magulang nga babaye nga naglusot naman sa ulo sini.
Ginapatihan nga indi luyag nga ipahulam sang iya magulang ang controller
rason nga nahimo sini ang krimen, pero ginahibalo pa kun diin nakuha sang
bata ang calibre .25 nga handgun.
Nahibalu-an man nga yara lang sa pihak nga kwarto ang iloy sang mag-utod
nga gina asikaso naman ang iban pa sini ka mga kabataan sang matabo ang
insidente. – RCSG / iFM News
