TACLOBAN CITY – Nalumos patay an 9 anyos nga bata ha Brgy Bong-Bong, San Francisco, Southern Leyte, alas 10:00 han aga kakulop.
Basi ha report han Police Regional Office 8, ginkilala an nalumos nga bata nga hi Santino Alfreda, 9 anyos, residente ha nasabi nga lugar.
Kanina han alas 10:00 han aga, matapos an gindumara nga search and rescue operations han mga otoridad, nakit-an na an patay nga lawas han bata.
Ha eksklusibo nga interview han RMN kan PSInsp. Reymundo Almasin Jr., Chief Of Police han San Francisco, namumurot hin purak nga lubi an bata han madara hiya an makusog nga dalagan han tubig han salog.
“Namumurot hiya hin lubi, hindi namalayan ng pamilya na ang bata ay pumunta sa ilog kaya lang hindi nakayanan ng biktima ang malakas na current po ng tubig.”
Dugang nga pamahayag ni Almasin, makusog liwat an uran hadto nga mga oras han malunod an biktima.
Nakit-an na an patay nga lawas han bata 20 kilometro an kahirayo tikang ha salog kun diin hiya nalumos.
