Mambusao, Capiz- Lubos nga kasubo ang nabatyagan sang pamilya sang siyam ka tuig nga bata nga babaye matapos ini ang nabunggoan sang salakyan samtang yara sa national highway sa Barangay Atiplo banwa sang Mambusao.
Gindeklarar nga ginbawian gid sang kabuhi ang nasambitan nga biktima sang ini ang gindala sa Mambusao District Hospital matapos nga nag-angkon sang mga kapilasan sa ulo kag iban nga parte sang lawas.
Base sa imbestigasyon sang kapulisan, hinali nagtabok ang amo nga biktima sa pihak nga porsyon sang dalan kag wala sini matalupangdan ang nagapadulong nga multicab nga ginamaneho ni Marve Denosta Dumolong, residente sang Barangay Piña, Maayon, Capiz.
Bangud sa kabaskugon sang pagkabunggo, nagtabog pa ang lawas sang nasambitan nga biktima.
Nahibaluan nga upod sang 9-anyos nga bata ang lola sini kag pakaisa sa pag pangayo sang paskua.
Boluntaryo nga nagsurrender sa mga katapo sang kapulisan ang suspek nga driver nga nakilala kay Marve Denosta Dumolong.
