Tambulig, Zamboanga del Sur – Nakaplagan na kagahapon sa buntag ang 9 anyos nga batang lalaki nga nalumos ug naanod sa Salug Daku River sa lungsod sa Tambulig kaniadto pang merkules sa hapon.
Ang biktima nga giilang si Centino Eglesia Galpo, nga taga Purok Nangka, Lower Tiparak, Tambulig ang napalgang naglutaw ug wala nay kinabuhi kilid sa flood control sa P7, Brgy San Jose, Tambulig.
Sigon sa pamahayag ni Nelson Estrellon, gibana banang alas 5:30 kaganihang buntag dihang nakaplagan ang biktima sa iyang silingan nga si Joel Maglasang nga miage sa maong dapit aron pagsag-ob ug tubig.
Ang biktima ang daling gikarga sa sakayan sa mga silingan ug mga volunteers ngadto sa ilang panimalay ug gihatod ngadto sa punerarya.
(Photo courtesy: Tambulig MDRRMO)
