Davao City- Patay ang usa ka 9 anyos nga lalaki human naanod sa kusog nga bul og sa tubig sa sapa alas 10:00 sa buntag sa Sitio Sualon Barangay Tamugan Marilog District ning dakbayan sa Davao.
Sa report gikan sa Davao City Police Office, giila ang biktima nga usa ka Arnel Otto nagpuyo sa nasangpit nga lugar.
Sa imbestigasyon sa kapulisan pinaagi ni Police Officer 2 Dexter Sinco sa Marilog Police Station, kauban sa biktima ang iyang ig agaw niadtong tungora ug samtang pauli na ang duha gipahimangnuan kini sa iyang ig agaw nga dili mutabok sa sapa gumikan kay kusog kaayo ang bul-og sa tubig sa sapa apan wala kini nagpatuo ug nipadayon ug tabok hinungdan nga nadala siya bul-og sa tubig resulta sa iyang kamatayon.
Ang patayng lawas ni Otto gidala na sa Angel Funeral Homes sa Calinan ning siyudad.
Kasamang Don Pulayao
