Davao City – Gi-alerto na karon sa Tagum City Disaster Risk Reduction and Management Office (CDRRMO) ang kasikbit nga mga munisipalidad partikular na ang Maco ug Mabini asa posibleng mapalgan ang usa pa ka menor de edad nga giingong naanod sa sapa sa Apokon niadtong Lunes, January 16, 2023.
Sa interbyu sa DXDC RMN Davao sa CDRRMO Tagum, human nga nakit-an ang usa sa mga biktima nga 7 anyos nga babaye, negatibo na nga makit-an sa lugar ang laing 9 anyos nga babaye usab.
“Wala na. Gi-stop na nila (ang search and rescue operation). Pero other nga kasikbit nga mga lugar, informed na. Alert napud ‘to sila,” sulti sa CDRRMO.
Kahinumduman, naligo ang duha ka mga bata sa sapa sa Apokon apan tungod sa kakusog sa bul-og sa tubig, kalit silang nangaanod.
Pahimangno sa otoridad sa mga ginikanan nga kanunay nga i-monitor ang aktibidad sa mga anak aron malikayan ang aksidente o unsa mang disgrasya.
RadyoMaN Kirby Manzon
Facebook Comments
