Zamboanga city- Muerto el un 9 años bata identificao como si Erson Fabian Bermon…mientras ta esta pa siempre perdido el otro persona identificao como si Antonio Capuno…40 años de edad despues estos ya sigi man anud na rio del Buug Mundu, Sibulao endenantes tarde.
Na report que ya puede obtene el RMN ZAMBOANGA cae pasao ala una del tarde cuando ya travesa asegun el dos victima na mencionao rio y despues derefente asegun ya tiene grande avenida y ya lleva man anud canila.
Ensiguidas ya conduci rescue operations el maga concierne ahencia paraber puede salva con dos maga victima pero nohay suerte por causa muerto ya ya puede recubri con el bata na rio del Sibulao que ya man sangit este na gamput.
Mientras con el otro victima si Antonio Capuno nohay pa puede recubri hasta este maga tiempo.
