9 days old nga bata gi-hostage

Davao del Norte- Gi-hostage ang siyam ka adlaw nga bag-ong panganak nga bata sa usa ka pasyente nga babaye sulod sa usa ka hospital sa Davao Regional Medical Center sa Apokon syudad sa Tagum.

Suspetsado naila nga si Jenalyn Caballero Ando, 42 anyos, residente sa Purok 5 Sampan Kapalong, Davao del Norte.

Sumala sa report sa Police Regional Office XI, ang maong suspek nag labor sa nahisgutang hospital ug sa kalit lamang gidagan niini ang anak ni Siobey Corbita, 38 anyos, residente sa Purok Malipayon Cuambag Mabini, Compostella Valley Province.


Gidagit sa suspek ang siyam ka adlaw anyos nga bata gikan sa iyang kuna ug misulod sa pedia IMCU ward nga dunay dalang gunting ug gipanghulga ang mga nurse apil ang ubang mga pasyente nga naa sa sulod hospital.

May nalang kay na dis-armahan ang maong babaye ug dali gisagop ang maong batang padayun nang gitambalan.

Samtang ang suspek gi-diagnose sa attending physician niini nga si Dr. Esgana ug nahibaloang nag antos kini og postpartum psychosis.

RadyoMan Paul Canono

Facebook Comments