Davao City – Gikumpirma sa Department of Health (DOH)-XI nga negatibo na sa Coronavirus Disease 2019 (COVID-19) ang siyam (9) ka trabahante sa DOH Davao region human nagpositibo sa Reverse transcription-polymerase chain reaction (RT-PCR) test.
Kini ang gikumpirma ni DOH-XI Assistant Regional Director Dr. Lenny Joy Rivera atol sa One Davao on COVID-19 Virtual Presser karong adlawa (June 9, 2020).
Subay sa datos, ang siyam ka indibidwal gilangkoban sa walo (8) ka medtech ug usa (1) ka doktor.
Gidugang ni Rivera nga gikan Marso 15, 2020 hangtud sa kasamtangan, mas taas ang natala nga nakarekober sa virus kung itandi sa mipanaw. Sagad usab sa maong mga kaso wala nagpakita og simptomas sa maong balatian.
“As of March 15 until the present, may nakikita tayong recovery rate is higher than case fatality. Most of the cases are asymptomatic,” saysay ni Rivera.
RadyoMaN Kirby Manzon
