9 hours water supply shortage mahitabo

212

Davao City – Siyam ka oras nga walay supply sa tubig ang masinatian sa mga konsumante karong adlawng Biyernes, December 13 sa pipila ka areas ning syudad.

Subay sa anunsyo sa Davao City Water District (DCWD), magsugod ang hinay ngadto sa walay supply sa tubig alas 8:00 sa buntag kutob alas 4:00 sa hapon diin apektado niini ang Communal areas: Communal Road, Canaan Village, Ilumina Estates Phase 1, Aspen Heights, D’Leonor Inland Resort, Doña Trinidad Village, Green Valley ug mga kasikbit nga lugar.


Dugang sa maapektuhan mao ang Cabantian areas: pipila ka bahin sa Deca Homes, Emily Homes, Northcrest Subd., Suraya Homes, Dacudao Village, Forestal Road, Kasilak Village, Celerina Heights, Hidalgo Homes, Amakan Village, Kilometers 10 to 14 Cabantian-Indangan Road, Green Orchard Village 1 and 2, Leonora Garden Heights Subd., Ramon Nena II HOA, RDL Staff House, D’ Achievers Village, Arendain Village, ingon man ang bahin sa Indangan: Villa Alevida Subd., Purok San Andreas, Mountain View Village ug mga kasikbit nga lugar niini.

Sumala sa DCWD, temporaryo usang palungon ang supply sa tubig sa mga apektadong lugar alang sa himoong ‘disinfection’ ug paglimpyo sa Cabantian Reservoir Nos. 1 and 2 isip parte sa pagpaningkamot sa DCWD nga makahatag og luwas nga tubig-mainom.

Samtang karong December 12, wala usay supply sa tubig ang Toril areas sama sa Bayabas-Toril ug kasikbit nga lugar nga masinatian alas 10:00 sa gabii hangtod alas 4:00 sa kadlawon sa December 13 gumikan usab sa pagatauron nga pipeline sa maong lugar.

Alang sa dugang mga pangutana, mamahimong mutawag sa DCWD 24-hour hotline nga 235-3293.

RadyoMan Renz Barbarona

Facebook Comments

From Advertisers