Sunod-sunod nga nakaiskor ang Highway Patrol Group ug Land Transportation Franchising and Regulatory Board-7 sa ilang hiniusang operasyon batok sa kolorom nga mga sakyanan sukad gimando ni Presidente Rodrigo Duterte ang kampanya alang niini .
Gikan niadtong Marso 23 hangtud karon Abril 10 , siyam na ka mga sakyanan nga way prangkisa ug adunay lain pang mga kalapasan ang nadakpan sa HPG ug LTFRB joint operation.
Kini naglangkob sa pito ka vans , usa ka tourist bus ug usa ka bus de pasaheroan.
Giimpound na karon ang mga sakyanan samtang pabayron ug lain-laing gidak-on sa multa ang mga operator niini .
Facebook Comments
