9 ka mga abugado gikan sa Integrated Bar of the Philippines CDO-Misamis Oriental Chapter, misalmot sa International Legal mission didto sa Hongkong.

Kapin usa ka libo nga ma Overseas Filipino workers o OFW sa Hongkong ang natabangan sa Integrated Bar of the Philippines Cagayan de Oro-Misamis Oriental Chapter alang sa gipahigayong international legal mission.
Nasayran nga ang maong kalihukan gitawag og “Iduol nimo kay Atorni5 in Hongkong” nga gipahigayong niadtong October 7 ug 8, 2017 sa Philippine Consulate General didto sa Hongkong.
Nasayran nga gisalmotan kini sa mga abugado gikan sa ubang lugar sa Pilipinas apan dinhi sa Misamis Oriental, bugtong 9 lang ka mga abugado ang misalmot sa maong serbisyo.
Kini mao silang Atty. Eddie Cuaresma, ang president sa Integrated Bar of the Philippines Cagayan de Oro-Misamis Oriental Chapter, Atty. Cancio Nicanor “Pogi” Guibone, ang Vice President, Atty. Katrina Mordeno ang secretary, Atty. Janeth Nuñez, auditor, Atty. Anna Caroz, ang chairman sa legal aid committee, Atty. Teresa Blanco, usa sa mga Board of Director, Atty. Rey Raagas, former IBP-CDO-Mis. Or. President, Atty. Robert Raypon, former IBP-CDO-Mis. Or. President, ug Atty. Jun Lucman.
Sunod tuig, laing hugna sa legal aid ang ilang itanyag ngadto sa OFW, samtang gidapit niini ang mga abugado nga buot mutabang ug musalmot sa maong kalihukan sa pakig koordinar ngadto sa ilang buhatan pina-agi sa pag email sa ibp_misor@yahoo.com

Facebook Comments