9 ka mga driver ug konduktor, nagpositibo sa random terminal drug test

Davao City- Gitakdang mupailawom sa confirmatory test karong adlawa ang siyam ka mga driver ug konduktor kinsa nagpositibo sa random terminal drug test nga gilusad gahapon, Oktubre 27, 2023.

Kauban sa Philippine Drug Enforcement Agency (PDEA) XI ug Land Transportation Office (LTO) Davao, nagpalampuson ang Oplan Harabas diin muabot sa 600 ka mga indibidwal ang na-random test sa kinatibuk-ang rehiyon.

Gilusad kini sa upat ka mga dagkong terminal sa Davao Region nga mao ang Davao City Overland Transport Terminal (DCOTT), Tagum Overland Transport Integrated Terminal, Digos City New Satellite Bus Terminal ug sa may Bajada Davao Van Transport Terminal.

Tumong sa maong aktibibad nga mahimong malinawon ug luwas ang byahe sa mga pasaherong ilabi na sa mga muoli karong eleksyon ug kalag-kalag ilawom sa RA 10586 kun ANTI-DRUNK AND DRUGGED DRIVING ACT.

Muatubang og criminal charge ang si kinsa man sa siyam nga magpositibo usab sa confirmatory test.

RadyoMaN Ivy Parido