9 ka mga estudyante sa Bulua Central School, nakakuha og medalya sa DanceSport Competition

9
PC: RadyoMaN Annaliza Amontos-Reyes

Siyam ka mga estudyante sa Bulua Central School ang nakakuha og medalya sa gihimong DanceSport Competition 2018 atol sa Cagayan de Oro City Division/ Selection Meet.

 

Kini gihimo kagahapon sa hapon sa Limketkai Mall ning syudad.

 

Lakip sa nakakuha og medalya silang Jhan Rick Demavivas ug Tiffany Cabanas isip 4th place sa standard couple, 3rd place sa Standard Couple silang Austin Kyron J. Cunado, Faith Nicole Paham, 2nd Place sa Standard Couple silang Jhan Rick Demavivas ug Althea Faith Villafuerte, 4th Place sa Latin couple silang Nathaniel Cagulada ug Venus Joy Kasani, 1st Place sa Latin Couple si Kendreque Pangan ug 3rd place sa Latin single si Monien Peligrino.

 

Tungod niini, gikalipay sa duha ka coaches sa Bulua Central School nga silang Mrs. Roselle Ecot ug Mrs. Loryfee Llamis ang maong kadaugan.

 

Samtang mipakita usab sa iyang suporta ang Bulua Central School Principal nga si Mr. Douque Caguindangan pinaagi sa pagbisita sa mga estudyante nga misalmot sa maong kompetisyon.

 

Facebook Comments