9 ka tuig nga bata, nalumos sa baybayon sang Ivisan, patay

Ivisan, Capiz – Matapos ang isa ka oras nga pagpinangita, patay na sang masapwan ang 9 ka tuig nga bata matapos nga nalumos sa baybayon sang Barangay Basiao, Ivisan, Capiz sang nagligad nga adlaw.
Ginkilala ang biktima nga si Romualdo Quirao Jr., sang Barangay Mianay, Ivisan. Ginpahayag ni Romualdo Quirao Sr., amay sang biktima, nagpaligo sila nga magpamilya sa Basiao beach kadungan sang birthday celebration sang iya bayaw.
Suno pa kay Romualdo Quirao Sr., gin-dumilian sini nga magpaligo ang anak apang wala nila matalupangdan nga ini gali ang naglusong sa tubig. Gindala pa ang biktima sa ospital, apang gindeklara ini nga dead on arrival.
*(photo from web)*

Facebook Comments