Naaresto ng mga operatiba ng CIDG Negros Occidental Provincial Field Unit, kasama ng Department of Environment and Natural Resources – Mines and Geosciences Bureau (DENR-MGB) sa Negros Island Region at ng pulisya, sa isinagawang operasyon ang 9 na indibidwal na kinabibilangan ng isang Chinese national dahil sa ilegal na pagmimina sa Brgy. Bacuyangan, Hinoba-an, Negros Occidental.
Nakumpiska sa nasabing lugar ang 2 backhoes, 3 10-wheeler dump trucks, vibrating screen machine, 2 kahon na naglalaman ng mga bote ng mercury at automatic generator set control panel.
Ang nasabing mga nakumpiska ay tinatayang nagkakahalaga ng ₱17.5 milyong piso.
Nahuli ang mga nasabing suspek dahil sa wala itong maipakitang mga kinakailangang mining permits o kasunduan mula sa MGB at iba pang kaukulang otoridad.
Nahaharap sa kasong paglabag sa Illegal Exploration at Theft of Minerals ng Republic Act (RA) 7942 o Philippine Mining Act of 1995 ang nasabing mga suspek.
