Dipolog City – Naghikog-patay ang usa ka 90 anyos nga inahan sulod sa pinuy-anan niini didto sa Purok Mabolo, Barangay Galas dakbayan sa Dipolog, kagahapon sa buntag.
Giila ang biktima nga si Loriana Manlayas Sumalapong, minyo, mulupyo sa susamang dapit, kinsa naghambin sa balatian ug nag-inusara nalang pagpuyo sa ilang balay.
Mismo ang anak niining babaye nga si Victoria Sepuntos Sumalpong ang naka-diskobre nga nagbitay na ang patay’ng lawas sa biktima pasado alas 6:30 sa buntag.
Kutob pagpangayo’g tabang na lamang ang anak sa gidangatan sa iyang inahan human nadiskobrihan nagbitay sulod sa may kwarto sa panimalay.
Nasayran nga giadtoan sa anak ang iyang inahan sa panimalay niini aron unta agdahon sa pamahaw apan mao nalang nitambad sa iyang panan-aw ang hitabo.
Gigamit paghikog sa biktima ang pisi nga nylon diin gihikot sa iyang li-og ug ang pikas tumoy gika-ed sa sakbayan sa poltahan.
Sa gihimong postmortem examination ni Dr Rowel Mata ang gikamatyan niini mao ang asphyxia by hanging, way nakitang foul play sa hitabo dihang way nakitang samad sa lawas gawas lamang sa lagum agi sa pisi.
