CAGAYAN DE ORO CITY – Naugdaw ang dul-ag 40 ka mga panimalay tungod sa dakong sunog mga miulbo sa magkatupad nga Brgy 26 ug Brgy 22 ning syudad kagahapong adlawa.
Gibutyag ni BFP Central District Deputy Marshall Fire/Insp Arnulfo Nabua nga inisyal nga natumbok nga nagsugod ang kalayo sa pinuy-anan ni Simmi Caeril ug gilayong mikaylap sa mga silingan hinungdan sa pag-ulbo ug dakong sunog.
Gisuta pa nila ang hinungdan sa sunog nga midamyos sa balor P1.6 milyon nga structural damage.
Gipahimutang karon ang 92 ka mga pamilya sa basketball court ug Corrales Elementary School sa maong lugar.
Samtang wala kapugngi sa usa ka amahan ang pag-tulo sa mga luha ni-ini sa pagkaugdaw sa tanang hinaguan sa sunog sa magsilingang Brgy 26 ug Brgy 22 sa syudad.
Sumala sa Ilongo nga si Noel Guanzon nga tapot-lawas ra ang nadala niini sa dihang wala sila sa ilang panimalay pagkahitabo sa sunog.
Mi-apelar ug tabang si Guanzon sa tanan niyang kababayang mga Ilongo aron sila makapamalit sa pagkaon,sapot ug trapal aron himoong temporaryong kapasilungan sa ilang pamilya.
Sa pagkakaron,alerto nga gibantayan ni Guanzon sa ilang area sa balay sa kabalaka nga bisan ang mga sunog nila nga sin kawaton pa.
Sa pikas bahin,nasunugan na,gikawatan pa!
Kini maoy kahimtang sa pamilya ni Karen Llagas kinsa empleyado sa Accessor’s Department sa city hall ning syudad.
Gibutyag Llagas nga balor 3-milyon pesos ang ilang pagpabarog sa dos andanas nila nga balay wala pay labot ang ilang mga kabtangan.
Gikasubo sa maong ginang ang ilang sitwasyon tungod kay gi-unay pagkawat ang ilang mga nasalbar nga mga kabtangan samtang gipaningkamutan nga masalbar sa paglamoy sa kalayo kagahapong adlawa.
