939 ka mga informal workers sa South Cotabato nakabenepisyo sang P4.6 million DOLE-TUPAD program.

23

Yara na sa 939 ka mga informal workers sa apat ka mga munisipyo sa probinsya sang South Cotabato nga malala nga naapektuhan sang COVID-19 pandemic ang nakabaton sang ayuda halin sa Department of Labor and Employment ukon DOLE 12.
Kabug-usan nga P 4,695,000.00 ang narelease sa idalom sang Tulong Panghanapbuhay sa Ating Disadvantaged/Displaced workers program sa idalom sang BAYANIHAN II.
Ginpangunahan mismo ni DOLE 12 Regional Director Raymundo Agravante kag ARD/Head of DOLE-South Cotabato Field Office Arlene Bisnon ang turn-over sang tseke sa mga munisipalidad sang Tantangan, Banga, Surallah kag Lake Sebu.
Sa nasambit nga ayuda yara sa 189 vulnerable workers ang nakabenepisyo sa banwa sang Tantangan nga may alokasyon nga P 945,000.00, 281 workers sa Banga nga may P1,405,000.00 nga pondo , sa banwa sang Surallah may 281 ka mga benepisyaryo kag yara sa P 1,405,000.00 ang pondo kag sa Lake Sebu may P 940,000.00 nga alokasyon para sa 188 ka mga trabahante.
Sa idalom sang BAYANIHAN II-TUPAD program, ang benepisyaryo ang magarender sang 14 ka adlaw nga community work period kag makabaton sang P 5,000.00 cash aid.
Ang implementasyon sang nasambit nga emergency employment program ang paagi man sa bulig sang local government units kag barangay government units sang New Cuyapo (Tantangan), Liwanay (Banga), Canahay (Surallah), Lamcade (Lake Sebu), kag 2nd district Congressman Ferdinand Hernandez bilang DOLE Accredited Co-Partners.

Facebook Comments