Davao City – Gipahibalo karon sa Davao City Water District (DCWD) nga mibalik na sa normal ang supply sa tubig sa kadaghanang mga lugar sa downtown area, human naapektohan sa nakalabay nga pag-ayo sa pipeline sa Bypass Road, Maa sa miaging semana.
Matod ni DCWD Spokesperson Joanna Duhaylungsod, anaa na sa 95% sa ilang mga kunsomante nakaangkon na og kusog nga agas sa tubig.
Sigun ni Duhaylungsod, ang Doña Pilar, Km.10, Sasa area nalang, ang padayong nakasinati og low pressure sa agas, apan mga 5% nalang usab sa mga konsumante sa maong dapit, ang anaa sa susamang sitwasyon.
Sigun ni Duhaylungsod, ang gibasihan sa ilang assessment mao ang pagkunhod sa gidaghanon sa mga konsumante nga nag-atang aron makakuha og tubig, gikan sa ilang water tanker nga nag-augment og supply sa tubig.
Gilauman sa Spokesperson nga sa sunod nga mga adlaw mahimo nang sento porsento ang pagbalik sa normal nga pressure sa agas sa tubig.
RadyoMaN Joel Viray
Facebook Comments
