BACOLOD CITY – Ginabulubanta nga nagdangat sa kapin 975,000 pesos ang balor sang suspected shabu nga nakuha sa apat ka mga suspek sa ginpatigayon nga buybust operation may mga las 4:45 kaina sang kaagahon sa Purok Pepsi, Brgy. Bata, ciudad sang Bacolod.
Nakilala ang mga nadakpan nga amo sanday Guillermo Lebosana, 40 anyos, residente sang Purok Mahimayaon, Ariel Jimeno, 31 sang Purok Marapara, Junmar Gerardino, 39 anyos sang Purok Magbinuligay tanan sang Brgy. Bata kag si Regie Saberon, 34 anyos, residente sang Sitio Sibucao, Brgy. Banago.
Ginpatigayon sang Police Station 3 ang amo nga buybust kon diin narecover sa possession sang mga suspek ang 16 ka ka sachet sang suspected shabu nga nagabug-at sang 65 grams lakip na ang isa ka libo ka pesos nga buybust money.
