Davao City – Mukabat sa 15,841 kun 99% ka mga baboy ang na-depopulate sa tibuok Davao region gumikan sa African Swine Fever (ASF).
Sa interbyu sa DXDC RMN Davao kang Noel Provido, Spokesperson sa Department of Agriculture (DA)-XI, gibutyag niini nga pipila na lamang ka mga lugar sa Don Marcelino, Davao Occidental ang nahibilin aron makumpleto ang 6,062 nga target sa depopulation sa tibuok Davao region.
“Karon, ninety nine percent na ta. Gamay nalang nga barangay ang wala na cull didto na lang pud sa Don Marcelino,” saysay ni Provido.
Matud ni Provido, padayon usab karon ang ginahimong disinfection activities sa mga ASF-affected areas nga 100% nang nahuman ang depopulation.
Kahinumduman nga unang nakab-ot ang 100% sa depopulation sa duha ka ASF-affected barangays sa syudad sa Davao.
RadyoMaN Kirby Manzon
