SAMAR – Nakompiska han Calbayog City Samar Police an kwarta nga
nagkakantidad 955, 000 pesos tikang ha drug suspect han mao nga syudad.
Ha gindumara nga buy-bust operation han mga otoridad ha P-1 Brgy. Capoocan
han Calbayog, naaresto hi Jenny Toleza Cadion, 31 anyos, mayada
live-in partner,
waray trabaho ngan residente ha nasabi nga lugar.
Ginbaligyaan ni Cadion an usa nga pulis nga nag-ala drug buyer, nakompiska
tikang ha suspek an 4 nga small heat-sealed trnasparent plastic sachet han
gin-aaligar shabu ngan cash money nga 955, 000 pesos.
Sumala han Calbayog City Police Station, sumurrender na an suspek dida han
Oplan Tokhang pero bumalik ngayan daw ini ha illegal nga buruhaton.
Maatubang an suspek hin kaangayan nga mga kaso nga may kalabutan ha ilegal
nga droga.
Ha pagka-yana paslak na hiya ha Calbayog Police Station.
