Davao City – Kapin 9,000 ka mga smoking violators ang nasikop sa Davao City Anti-Smoking Task Force (ASTF) ug Vice Regulation Unit (VRU) sulod sa walo ka bulan.
Base sa Vices regulation accomplishment report, sugod Enero kutob Setyembre ning tuiga, 9, 474 ka mga smoking violators ang nadakpan diin 1,878 niini ang nipailawum sa smoking cessation counseling.
Dugang niini, miabot na sa 1, 902, 187.50 ang kantidad sa mga multa gikan sa mga violators ang nakolekta.
Kahinumduman nga giingon ni ASTF head ug VRU head Retired Captain Voltaire Engracia kaniadtong Setyembre 11 nga base sa report sa City Treasurer’s Office kaniadtong bulan sa April kutob Hulyo lang, nakakolekta na og kapin 1.8 million pesos gikan sa mga misupak sa anti smoking ordinance sa syudad.
Sa karon, gibaba na sa VRU ngadto sa barangay level ang implementasyon sa maong balod diin sumala niya, ubay-ubay na man usab sa katawhan ang nagalikay og pagpanigarilyo sa pampublikong lugar dinhi sa dakbayan.
RadyoMan Renz Barbarona
