9PM – 4AM curfew dako’g tabang

22

Davao City – Gikalipay sa mga Davaoeños ang pagpamubo sa curfew hour sa syudad sa Davao human kini gihimo’ng alas-9 sa gabii hangtud alas-4 sa buntag epektibo sugod Nobyembre 20, 2020 human subling gipailawom sa General Community Quarantine (GCQ) ang dakbayan.

Sa komento sa netizen nga si Jhone Rosales sa DXDC 621 RMN Davao Facebook page, mas maayo ang gihimo’ng adjustment sa curfew aron dili apeke ang oras alang sa tawo.


“Salamat, Mayor (Sara) sa imong pagsabot sa katawhan, kay pigado sa oras ang una nga curfew hours,” komento ni Rosales.

Matud usab ni Rene Cabahug nga maayo nga desisyon ang pagsibog sa curfew hour sa alas-9 aron makapamalit pa og mga kinahanglanon ang mga trabahante.

Mura’g ok na (bag-ong curfew hours) kay ang nagtrabaho makapamalit pa para lutoon. Tama si Mayor (Sara),” segun niini.

Kahinumduman nga daghana’ng Davaoeños ang wala nalipay sa 7PM-5AM curfew hour sa Davao ilawom sa Modified General Community Quarantine (MGCQ).




RadyoMaN Kirby Manzon

Facebook Comments