Davao City – Muarangkada karong adlawa, October 29, 2021ang pediatric vaccination o COVID-19 vaccine roll out sa mga nag-edad 12-17 anyos nga adunay comorbidity sa Southern Philippines Medical Center ( SPMC).
Sa interbyu sa RMN Davao kang SPMC chief Ricardo Audan, 200 ka mga kabataang adunay medical condition ang iakomodar sa unang sa batch 1 sa vaccination.
Kinahanglan adunay medical certificate gikan sa ilahang mga physicians o doktor ang mga bakunahan ug ubanan kini sa ilahang mga ginikanan o guardian atol sa inoculation.
“Ang among i-cater healthy with comorbid, meaning to say ang bata healthy siya apan aduna siyay maintenance ug controlled,” sumala ni Audan.
Moderna ug Pfizer COVID-19 vaccines ang dawaton sa mga teen vaccinees.
Gibutyag ni Audan importante nga mabakunahan ang mga kabataan aron maproteksyunan usab sila kontra sa COVID-19.
RadyoMaN Aimee Guinita
