Gidepensahan karon ni kanhi Budget Sec. Florencio ‘Butch’ Abad ang Dengvaxia mass vaccination program sa kanhi-ay rehimen ni former Pres. Bengino Simeon Aquino III.
Matud ni Abad, wala silay nakitang dautan o imoral sa dihang ilang gidesisyunan ang paggamit sa savings sa kaban sa nasud aron mo-ganar ang maong programa basi sa rekomendasyon sa mga health authorities kaniadto.
Mototal sa P11B ang gigahin sa Aquino administration alang sa maong bakuna, katukoran sa mga rural health units ug uban pang requests sa Department of Health niadtong higayona.
Gitataw sa kanhi budget chief nga kun nasayud pa lamang sila sa sangpotan ning maong programa, malagmit nga aduna silay gihimong ‘adjustments’ sa maong programa.
Gi-insistir ni Abad nga bugtong tumong lamang nila niadtong higayona nga mahatagan ug igong katakos ang DOH sa pakigkumbate sa kuyanap nga dengue ug aron masalbar ang katawhan gikan sa maong medical threat.
RadyoMaN June Duterte
