Molave, Zamboanga del Sur – Gilamoy sa kalayo ang usa ka abandonandong balay nga gipanag-iyahan ni Zamboanga del Sur Governor Victor J. Yu ala 1:30 kagahapon sa kadlawon daplin sa National Highway, Purok Malipayon, Barangay Culo, Molave, Zamboanga del Sur.
Daling miresponde ang mga tinugyanan sa Bureau of Fire Protection Molave sa pagpatay sa kalayo nga milamoy sa nasangpit nga abandonadong balay.
Sa imbestigasyon nasayran nga ang maong dapit ang kanhing pinuy-anan sa usa ka Ebarle ug karon gipanag-iyahan na ni Governor Yu.
Gibana-banang mokabat sa kapin kon kulang 30 mil pesos ang kantidad sa mga kabtangan nga nasunog.
Mikabat sa usa ka oras ang pakigbugno sa kabumberuhan sa dihang gideklara kining fire out.
Padayon pa gihapon gisuta sa mga personahe sa Bureau of Fire Protection ang hinungdan sa nasangpit nga sunog.
