Davao City – Musunod lamang si Association of Barangay Captains (ABC) President Kapitan Edgar Ibuyan Sr. kung unsa ang mamahimong desisyon sa Kongreso kung ipadayon o dili ang Barangay ug Sangguniang Kabataan (SK) Elections sa Disyembre karong tuiga.
Sa interbyu sa DXDC RMN Davao kang Kapitan Ibuyan Sr., gisaysay niini nga kung adunay igong pundo alang sa eleksyon walay problema nga kini ipadayon, rason nga kini tun-an pag-ayo aron kini usab mapangandaman.
“Walay problema nako (kung) isibog or i-permanente (ang Barangay ug SK Elections). Ang ato diha kung naa ‘tay savings, why not? Ipadayon nato. I-welcome nato whatever decision nga ipakanaog sa Kongreso,” saysay ni Ibuyan Sr.
Dugang ni Ibuyan Sr. nga kinahanglan usab nga magbaton og konkretong balaod kalabot sa termino sa kapitan aron malikayan ang pag-oktaba niini o pagsibog sa laing schedule.
RadyoMaN Kirby Manzon
Facebook Comments
