Davao City – Nadakpan sa buy bust operation ang usa ka Association of Barangay Captains (ABC) President sa Northern Kabuntalan, Maguindanao sa Philippine Drug Enforcement Agency (PDEA)-XI alas 3:00 sa hapon niadtong Dominggo sa Block 1, Lot 1, Phase 1, Lanka Lane, Woodridge, Barangay Maa, syudad sa Davao.
Ang suspek giila nga si Horhama, 44, usa ka Barangay Chairwoman sa Barangay Kapimpilan ug nahimong ABC President.
Tulo ka mga pakite sa gituohang shabu nga dunay gibug-atong nga 50 gramo ug dunay street value nga P600 mil ang nakumpiska sa kapulisan sa posisyon sa dinakpan.
Nakumpiska usab ang usa ka cellular phone, buy-bust marked money ug usa ka Toyota Grandia dunay plate number nga LGJ-155.
Sumala ni PDEA-XI Director Adzhar Albani, nadakpan na si Horhama ug iyang anak sa Cotabato City tungod gihapon sa kalambigitan sa gidiling droga niadtong bulan sa Pebrero ning tuiga.
Kasamang Bernard Pantallon
