Kumpiyansa si ABC President Councilor Reyland Hervias nga indi na madayon ang SK kag Baranbgay elections sa bulan sang oktubre.
Suno kay Hervias nga nagasalig siya nga ma-postpone ang pinili-ay nga natalana subong nga tuig kag sa baylo hiwaton ini sa masunod nga tuig.
Gginpahayag ni Hervias nga nahuman na ang hagna sang senado nga nagatalana sang barangay elections sa oktubre sa masunod nga tuig kag posible sundon na lamang ini sang kamara.
Subong nga Lunes, ginalauman nga aprobahan na ini sa bicameral conference committee agud lubos nga mangin kasuguan nga naga-postpone sang SK kag barangay elections.
Ginhimo ni Hervias ang pahayag sa tunga sang padayon nga pagpanghanda sang comelec kon sa diin nagpaguwa na ini sang calendar of activities lakip na ang filing sang certificate of candidacy nga natalana sa setyembre 23 tubtub 30.(sspunay)
