Sindangan, ZDN-Padayon karon ang gihimong makuti nga imbistigasyon sa kapulisan sa Sindangan, mahitungod sa pagkamatay ni Edgardo Podpod Viñas, 49 anyos brgy. kapitan sa Dapaon, Sindangan ug kasamtangang ABC President sa lungsod sa Sindangan.
Nahitabo kini niadtong adlawng sabado sa may 11:58AM didto mismo sa ABC Hall, Brgy La Roche, Sindangan, Zamboanga del Norte.
Sa resulta sa imbistigasyon sa kapulisan, naghimo pa kini ug session si kapitan Edgardo sa ABC hall, human sa ilang session , usa ka wala mailang lalaki ang walay duha-duha nga mipusil ngadto sa biktima gamit ang taas nga armas.
Human sa pagpamusil dali nga miikyas ang suspetsado padulong sa Brgy. Goleo, sakop sa lungsod sa Sindangan sakay sa Honda Wave, kolor itom.
Duha karon ka anggolo ang gitan-aw sa kapulisan una mao ang may kalabutan sa iyang trabaho o sa pulitika ilabi na nga nagkaduol na ang piniliay.
