ABC President sa South Corabato ginhangkat ang mga barangay opisyal sa pagpatuman sang “operation kulob” batok dengue.

17

Ginhangkat ni South Cotabato Federation of Association of Barangay Chairman kag Sangguniang Panlalaiwgan Ex-Officio Member Rolando Malabuyoc ang mga barangay opisyal sa probinsya nga magpain sang bisan lima lang ka minuto kada adlaw para sa pagpatigayon sang “operation kulob” ukon pagpalimpyo sa mga lugar ukon butang nga pwede pugaran sang lamok nga nagadala sang balatian nga dengue.
Suno kay Malabuyoc nga magluwas sa COVID-19 dapat nga tutukan man sang barangay ang makamamatay nga dengue.
Ginpahayag ni Board Member Malabuyoc nga napamatud-an na sang 2019 dengue outbreak sa South Cotabato nga epektibo sa pagpanubo sang dengue cases ang “search and destroy,”
Ginkumpirmar man sang opisyal nga magapasar sang resolution ang Sangguniang Panlalawigan nga nagahangkat sa mga munisipyo/syudad kag barangay sa pagpatuman sang enchanced 4s sa pagtapna sa dengue nga amo ang pagpanglimpyo kag pagguba sa mga ginapugaran sang lamok, protektahan ang kaugalingon batok lamok kag gilayon nga magpakonsulta kon may sintomas sang dengue kag suportahan ang fogging ukon spraying sa tion nga may dengue outbreak.

Facebook Comments