ILOILO – May bag-o nga person of interest kag motibo nga ginasundan ang Ajuy PNP angot sa pag-abduct sa 22 anyos nga si Renelyn Ira sa Sitio Casamata, Barangay Central Ajuy.
Suno kay PCI Charlie Sustento, hepe sang Ajuy PNP, nagapadayon pa ang ila imbestigasyon gani indi pa nila mapagwa sa media ang bug-os nga impormasyon.
Dugang ni Sustento, nakapakig-angot na sila sa pamilya sang una gindudahan nga nag-abduct sa babaye apang ginpanginwala sang mga ini ang ila kahilabtanan.
Nagpahayag man ang pamilya nga mag-kooperar sa ila imbestigasyon.
Ginconfirmar man ni Sustento nga naka-communicate ang biktima sa iya pamilya agud ipahibalo nga nakapanyapon na ini kag ara sa maayo nga kahimtangan.
Facebook Comments
