Davao City – Gitino karon ni Ateneo de Davao University (ADDU) law professor Arnold Abejaron nga ang impeachment complaint kontra kang Supreme Court Chief Justice Maria Lourdes Sereno usaka realidad-pulitikal.
Sa pakighinabi kaniya sa noontime radio show ‘Kolokabildo Sa Radyo’ uban ni Kasamang Joel Viray, gisugilon ni Abejaron nga nagpasabot lamang kini nga malagmit modula dinhi mao ang gitawag nga ‘numbers game’ kun padaghanay og boto.
“Too early to say,” matud pa sa propesor sa balaud sa pangutana kun moganar gyud kaha ang reklamo batok sa hepe-mahistrado o kun lig-on ba ang mga ebidensiya kontra kang Sereno.
Dugang ni Abejaron, buot niyang hatagan sa ‘benefit of the doubt’ ang Kongreso nga motunol sa patas nga pagtratar sa reklamo ug nga gamiton ang ‘prudence, concrete evidence, never on intrigues and mere allegations.”
RadyoMan June Duterte
