Davao City- Gitino karon ni Presidential Spokesperson Undersecretary Ernie Abella nga ‘prerogative’ kun katungod sa pamuno-nasud ang pag-ingon nga dili kini mopa-ilawom sa imbestigasyon sa buhatan sa Ombudsman kalabot sa mga alegasyon batok kaniya.
Sa regular news conference sa palasyo sa Malacañang, gitataw sa tigpamaba nga may kapanukaran ang pagbalibad ni Pres. Rodrigo Duterte nga mo-undergo ug Ombudsman probe sa iyang mga alleged hidden wealth.
“The President respects the institution (Ombudsman) however he finds their position suspect,” klaripikasyon ni Abella tubag sa pangutana unsay buot ipasabot ni Duterte sa akusasyong aduna siyay tinipigang bahandi.
Una niini, gi-anunsyo ni Overall Deputy Ombudsman Arthur Carandang nga ang ilang imbestigasyun kontra kang Duterte basi lamang usab sa records gi-furnish ngadto kanila sa Anti-Money Laundering Council (AMLC).
RadyoMan June Duterte
