Gipaklaro ni Presidential Spokesperson Ernie Abella nga adunay igong poder si Pres Rodrigo Duterte mo-deklarar ug revolutionary goverment ilabi na kun mahitabo ang anarkiya sa nasud.
Matud ni Abella, ang konteksto sa pamahayag sa pamuno-nasud mao ang deklarasyon nila ni Pres. Corazon Aquino ug ni Pres.Emilio Aguinaldo sa dihang gihulga usab sa mga kaaway ang ilang pamunuan.
Una niini,gitin-aw sa tigpamaba nga adunay kaugalingong sufisyenteng mga inpormasyon kalabot sa posibleng destabilisasyon kontra sa rehimeng Duterte.
Sa usa niya ka diskurso, gibatbat sa pamuno-nasud nga siya nagtoo nga adunay hulga sa iyang liderato kalabot sa mga kasikas gikan sa hut-ong sa mga militante, mga Maoist communist rebels ug bisan na sa Central Intelligence Agency kun CIA sa Estados Unidos.
Pikas bahin, base sa Day 148 sa Siege of Marawi, mokabat na sa 847 Mautes ang napatay, 47 civilians patay, 1,770 civilians na-rescue ug 163 sundalo nakabsan sa kinabuhi sa operasyon pagbawi sa Marawi gikan sa mga terorista.
Sunod nga target mao ang mga Abu Sayyaf ug Bangsamoro Islamic Freedom Fighters (BIFF), matud sa AFP spokesperson.
RadyoMan June Duterte
