Gihagit karon sa palasyo sa Malacañang ang tanang mga personahe labaw na ang mga kadagkuan kun mga opisyales nga magkinabuhi nga yano kun simple lamang.
Sa media conference sa palasyo, gisugilon ni Presidential Spokesperson Ptr. Ernie Abella nga subling nagpahinumdom ang pamunuan kalabot sa ‘marching order’ ni Pres. Rodrigo Duterte ngadto sa tanang mga personahe sa kagamhanan nga ipatuman ang ‘no special treatment’ policy.
Una niini, nahimong kontrobersyal ang direktiba ni House Majority Leader Rep. Rodolfo Fariñas ngadto sa Metropolitan Manila Development Authority (MMDA) pinasikad sa constitutional proviso nga matud niya, naga-exempt sa mga senador ug mga kongresista nga patubagon o arestohon diha sa mga minor traffic violations ilabi na kun ang kalapasan ‘punishable with less than six years imprisonment while Congress is in session.’
Matud ni Abella, tinguha sa pamuno-nasud nga sundon sa iyang mga colleagues ug allies sa kongreso ang iyang personal nga pilosopiya nga dili mamugos nga makabaton ug pribilehiyo kun espesyal nga pagtagad gikan sa katawhan.
Kagahapon, nihangyo ang presidente nga hatagan siya sa nasud ug tulo ka tuig aron ma-eksperyensyahan na sa tanan ang halapad nga epekto o implikasyon sa gilusad nga ‘war on corruption.’
RadyoMan June Duterte
