Davao City – Magpadayon gihapon ang klase ugaling muulan o makasinati og pagbaha ang mga tulunghaan sa rehiyon XI karong abli-klase, Hunyo 4, 2018.
Sumala ni Jenielito Atillo, Department of Education kun DepEd XI spokesperson nga mamahimong makigkoordinar ang mga magtutudlo o principal ngadto sa ilang Local Government Units o mga Brgy. aron makakita og pasilidad kung asa sugdan ang klase ugaling dili magamit ang mga classrooms nga apektado o maapektuhan sa baha.
Apan dugang ni Atillo nga magdepende gihapon sa principal ang desisyon og makita ang sitwasyon nga dili pa magamit ang mga pasilidad.
“Mubaha o dili dayon gyud, pero depende sa sitatuon because ang mga tulunghaan pinaagi sa ilang mga principals are actually given the task to utilize their wise discretion pananglitan lubog gyud kaayo ang eskwelahan sa tubig-baha then they will have to look for something that will help them. Kung wala sa palibot then they will call for the suspension of classes upon the approval of the Schools Division Superintendent,” sigun ni Atillo.
Matud niya nga og masuspende man ang klase, kinahanglan magpahigayon ang tulunghaan og make up classes aron dili mabyaan ang kabataan sa mga leksyon.
RadyoMaN Renz Barbarona
