Naa na karon sa Maharlika Detention Cell ang usa ka abogado human masikop sa drug buy bust operation.
Ang suspek mao si Atty. Marlon Igot Yap, 39 anyos, minyo, nagpuyo sa Centrio Tower, Corrales Street ning syudad.
Gihimo ang drug buy bust operation mga alas otso kagabie sa Velez-Mabini Streets, Barangay 29.
Nakuha gikan sa suspek ang tulo ka sachet sa gituohang shabu nga nagkantidad sa 35-mil pesos, 500 pesos nga marked money ug celfon.
Si Atty. Yap giilang High Value Target ubos sa Philippine Drug Enforcement Agency o PDEA Region 10 watch list.
Gihimo ang operasyon pinaagi sa City Drug Enforcement Unit ug PDEA Region 10.
Facebook Comments
