Gintiro-patay sang wala pa ma-identify nga suspek ang Ilonggo lawyer nga si Atty. Edel Julio Romero, abogado sang mga Odicta nga ginakabig drug lord sa Iloilo.
Ginpahayag, mapadulong kuntani sa Quezon City ang abogado sa diin didto na siya nakabase paagi sa Ro-Ro rason nga ara ini sa Culasi port sa Roxas City sang ginluthang sang mga wala pa makilala nga mga suspek nga naigo sa likod sang ulo lapus sa tunga-tunga sang iya duha ka mata.
Magakaon kuntani si Atty. Romero sa isa karenderia kag gin-uba pa ang iya bulletproof vest samtang masinadyahon nga nagaistorya sa duha ka babaye nga iya upod sang ginluthang sang gunman.
Si Atty Romero ang nagtambong kahapon bilang abogado sa hearing sang iya kliyente nga si Stephen Teves sang Panay, Capiz nga isa ka drug personality.
Madumduman, ginpaidalum sa Oplan Katok sang Molo PNP si Atty. Edel Julio Romero sang Oktubre 3, 2017.
Ginakabig man ini nga rank number 4 High Value Target Level 2 drug personality sa listahan sang Molo Police Station.
