Abu arestao na Paseo del Mar

40

Un miembro del Abu Sayyaf Group embuelto na kidnapping na Golden Harvest na Tairan, Lantawan, Basilan del año 2001 ya sale arestao del Webes tarde na Paseo del Mar aqui na ciudad.
El otoridad ya nombra con el suspechao como si Hussin T. Iril, alias Ibba Gani.
Con Iril ya aresta el maga pulis desde el diferentes units del PRO9 y City Police Office banda alas 4 del tarde.
Si Iril tiene el pendiente warrant of arrest na caso de kidnapping and serious illegal detention bajo na articulo 267 del revisao codico penal del paiz que ya amienda el seccion 8 del acto republica 7659. El warrant yah ace sale el Huest Leo Jay Principe del branch 1 del RTC, Isabela City.
Con Iril ya detene estacion del pulicia pendiente el entregada na corte donde ya sale su mandamiento de aresto.

Facebook Comments