Ciete soldao el reportaomente ya sale irido durante el encuentro entre maga miembro del Abu Sayyaf Group na Sitio Sangay, Buhanginan, Patikul, Sulu enantes aga.
Na report del militar ta aparese el tropa del 21IB del Joint Task Force Sulu ta conduci security operations pa el possible librada del maga cautibo inclujido eldos pulis mojer cuando pasada alas 6 del aga mientras na Sitio Sangay sila derepente ya lang ya rega de bala canila el maga bandido.
Aqui ya tene que defende el tropa con el diila grupo ya contesta tambien sila de tiro con el maga bandido.
Pero ya tene que man atras el maga bandido despues ya man reinforce conel tropa el otro companiya del soldao hasta ya larga tambien bomba con el maga bandido el maga helicopter del govierno.
Ciete el irido na lao del militar mientras monton tambien ya sale irido na lao del enemigo base na rastro de sangre.
El maga bandido ta encabesa canda Idang Susukan y Almujer Yadah quien ta opera na mencionao lugar.
